Aðalfundur landssamtakanna Geðhjálpar var haldinn fimmtudaginn 30. mars. Á dagskrá voru hefðbundin aðalfundarstörf.
Héðinn Unnsteinsson lét af störfum sem formaður samtakanna en hann gegndi formennsku sl. þrjú ár en var þar á undan varaformaður í eitt ár og stjórnarmaður í samtals sjö ár. Á fundinum var Héðni þakkað ómetanlegt framlag sitt til Geðhjálpar sl. ár.
Nýr formaður var kjörinn til næstu tveggja ára en tvær voru í kjöri þær Guðrún Þórsdóttir og Sigríður Gísladóttir. Fór það svo að Sigríður var kjörinn formaður samtakanna.
Kosningu í aðalstjórn til næstu tveggja ára hlutu þær: Elín Atim og Sigrún Sigurðardóttir. Í varastjórn næsta árið sitja þær: Guðrún Þórsdóttir og Sigríður Ólafsdóttir. Í stjórn voru fyrir þau: Kristinn Tryggvi Gunnarsson, Sveinn Rúnar Hauksson, Elín Ebba Ásmundsdóttir og Sigmar Þór Ármannsson.
Meðfylgjandi er ársskýrsla samtakanna og ársreikningur ásamt myndum af nýkjörinni stjórn auk mynda frá aðalfundinum.
