Hádegisfundur á Kjarvalsstöðum þriðjudaginn 17. mars frá kl. 12 til 13.
Þriðjudaginn 17. mars stendur Geðhjálp fyrir hádegisfundi um fordóma Íslendinga gagnvart andlegum áskorunum. Í þetta sinn mun Kári Kristinsson prófessor í viðskiptafræði við Háskóla Íslands kynna nýjar niðurstöður úr rannsókn sem var framkvæmd 2025, sem var fjármögnuð var af Geðhjálp. Þema fundarins í þetta sinn eru fordómar og raunveruleikinn í kringum fíkn.
Auk Kára mun Elías Guðmundsson forstöðumaður Krýsuvíkur vera með stutt erindi, en við munum einnig fá að heyra frá manneskju með persónulega reynslu af málefninu. Í lokin verða umræður en boðið verður upp á kaffi og te.
• 12:00 Kári Kristinsson frá Háskóla Íslands
• 12:15 Elías Guðmundsson frá Krýsuvík
• 12:25 Einstaklingur með persónulega reynslu af málefninu
• 12:35 Umræður
Fordómar gagnvart einstaklingum með geðrænan vanda og/eða fíknivanda hafa ýmsar neikvæðar afleiðingar fyrir einstaklinga og samfélög. Árið 2006 voru fordómar almennings á Íslandi mældir í fyrsta skipti, sem hluti af alþjóðlegri rannsókn, og árið 2022 til 2023 var sú mæling endurtekin af Geðhjálp undir forystu Sigrúnar Ólafsdóttur prófessors í félagsfræði við HÍ, sem einnig stýrði alþjóðlegu rannsókninni 2006. Var ákveðið að endurtaka mælinguna á tveggja ára fresti og eru kynningarnar núna afrakstur þeirrar mælingar. Hún var aftur framkvæmd undir forystu Sigrúnar og mun Geðhjálp í framhaldinu standa fyrir hádegisfundum næstu mánuði til að kynna niðurstöðurnar betur.
