Stóra myndin verður skoðuð í geðheilbrigðismálum Íslendinga í áhugaverðri og skemmtilegri útsendingu. Skoðaðar verða nútímalegar geðdeildir í Danmörku og rætt það sem vantar hér heima – bæði hvað varðar húsnæði og hugmyndafræði.
Við fáum reynslusögur, talsvert af heilræðum og spennandi hugmyndum frá gestum. Við ræðum um hvaða afleiðingar áföll eins og nú dynja á Grindvíkingum geta haft í för með sér fyrir geðheilsu þeirra sem í þeim lenda.
Það verður einnig góð tónlist á dagskrá sem hæfir föstudagskvöldi með GDRN, Árný Margréti, Bogomil Font og greiningardeild Hljómskálans, Inspector Spacetima og Emmsjé Gauta.
Almenningur er hvattur til þess að ljá málefninu lið með því að styrkja Geðhjálp. G vítamín – gott fyrir geðheilsuna í beinni föstudagskvöldið 2. febrúar á RÚV.
