Geðhjálp fékk í morgun afhentan styrk upp á hálfa milljón úr minningarsjóði Gunnars Thoroddsen við hátíðlega en fámenna athöfn í sal Ráðhússins. Héðinn Unnsteinsson, formaður Geðhjálpar, tók við styrknum fyrir hönd Geðhjálpar. Hann sagði við það tækifæri: „Þegar kemur að vanlíðan og mögulegum geðröskunum ætti notendum ætíð að vera gefið val. Við ættum að nýta næstu misseri til taka til í hugmyndafræði geðheilbrigðis, leita í auknu mæli annarra leiða en eingöngu lyfjalausna, ræða aukna þátttöku notenda í eigin meðferð og annarra og vinna með manneskjur út frá styrkleikum þeirra."
https://reykjavik.is/frettir/gedhjalp-faer-styrk-ur-minningarsjodi-gunnars-thoroddsen
