Geðsveiflan 2024 mun fara fram 21. júní næstkomandi, en um er að ræða viðburð til styrktar Geðhjálpar þar sem markmiðið er að vekja athygli á geðheilbrigði og mikilvægi þess að stunda íþróttir, útivist og bæta félagslega heilsu.
Guðmundur Hafþórsson mun spila golf í 24 tíma á vellinum, 5 hringi og munu einstaklingar og fyrirtæki hafa tækifæri á að taka þátt í þessum frábæra viðburði (litla móti). Golfklúbburinn Oddur og Golfsamband Íslands hafa tekið höndum saman með Guðmundi í að gera þennan viðburð að veruleika.
Það verða möguleikar á að spila með í þessum 5 hringum. Það verða 3 styrktar rástímar í gangi 5x yfir þessa 24 tíma samtals um 55 pláss. Hér er hægt að styrkja Geðhjálp beint á www.styrkja.is/gedsveiflan en auk þess verða aðrar styrktarleiðir í boði, en það verður kynnt betur þegar nær dregur.
Golfíþróttin er frábær íþrótt fyrir andlega heilsu, en hún veitir fólki tækifæri til að kúpla sig út úr stressi daglegs lífs, vera úti í náttúru í góðum félagsskap í næði frá netheimum og símum. Við hvetjum alla til að fylgjast vel með, fylgja viðburðinum á Facebook og taka þátt í því að styrkja gott málefni.
