Frá og með þriðjudeginum 8. september nk., og vikulega eftir það í allan vetur, verður hugleiðsla í sal Geðhjálpar í Borgartúninu kl. 20 og er aðgangur ókeypis. Birgir Þorsteinn Jóakimsson jógakennari stýrir hugleiðslunni.

Birgir hefur haft áhuga á jógafræðunum frá því hann var unglingur. Hann lauk kennaranámi hjá Jóga stúdíói og Yogi Shanti Desai sumarið 1998. Birgir hefur kennt fólki á öllum aldri á hinum ýmsu stöðum frá árinu 1998 meðfram starfi sínu sem grafískur hönnuður.