Margrét Marteinsdóttir hefur hafið störf sem kynninga– og viðburðarstjóri hjá landssamtökunum Geðhjálp.

Margrét starfaði hjá RÚV í 16 ár. Lengst af á fréttastofu RÚV.  Síðustu ár hefur hún  sinnt ýmsum verkefnum. Hún tók meðal annars þátt í að opna Kaffihús Vesturbæjar og sá um rekstur staðarins fyrsta árið. Hún skrifaði bókina Vakandi veröld – handbók fyrir neytendur sem velja umhverfisvænan lífsstíl. Vann við umönnun á deild fyrir fólk með heilabilun á hjúkrunarheimilinu Grund. Síðast starfaði Margrét í Kvennaathvarfinu.

Helstu verkefni Margrétar hjá Geðhjálp tengjast kynningarmálum og upplýsingamiðlun. Einnig viðburðarstjórnun, fræðslu og úttektum á þjónustu og réttindum.