Grímur Atlason tók við starfi framkvæmdastjóra Geðhjálpar í septemberbyrjun 2019. Hann er menntaður þroskaþjálfi og með MBA-gráðu frá Háskóla Íslands. Grímur hefur víðfeðma reynslu úr atvinnulífinu bæði innan opinbera- og einkageirans. Hann starfaði sem þroskaþjálfi á Íslandi og í Danmörku, rak umboðsskrifstofu fyrir tónlistarfólk og stýrði hundruðum viðburða. Hann var bæjarstjóri Bolungarvíkur og sveitarstjóri í Dalabyggð, rak Iceland Airwaves tónlistarhátíðina í átta ár og var ráðgjafi á Skóla- og frístundasviði Reykjavíkurborgar.
