Heimsóknarvinir eru sjálfboðaliðar, sem heimsækja fólk á heimili þess, á stofnanir, sambýli og dvalar- og hjúkrunarheimili. Misjafnt er hvað felst í heimsókn en það getur t.d. verið spjall, gönguferð, ökuferð, upplestur, aðstoð við handavinnu og fleira. Reynt er að mæta þörfum og óskum gestgjafanna eins og kostur er.
Viðmið er að heimsóknartími sé um klukkustund einu sinni í viku. Hvenær og hvar heimsóknin á sér stað er samkomulagsatriði hjá gestgjafa og heimsóknavini. Hlutverk heimsóknavina er fyrst og fremst að veita félagsskap, nærveru og hlýju.
Vefsíða: www.raudikrossinn.is/verkefni/innanlandsverkefni/heilbrigdi-og-velferd/vinaverkefni/
Staðsetning: Norðurland
