Konukot er neyðarskýli fyrir húsnæðislausar konur og kynsegin fólk í Reykjavík, rekið af Rótinni samkvæmt þjónustusamningi við Reykjavíkurborg.
Í Konukoti er grunnþörfum kvenna sem þangað leita sinnt hvað varðar húsnæði, hreinlæti og mat.
Neyðarskýlið er opið frá kl. 17:00 til kl. 10:00 daginn eftir og eru rúm fyrir tólf konur. Vegna sóttvarnaráðstafana eru nú einungis átta rúm til boða.
Allar þær konur sem á þurfa að halda eru boðnar velkomnar í Konukot.
Boðið er upp á heita kvöldmáltíð og léttan morgunverð. Þá geta konurnar þvegið fatnað og notað hreinlætisaðstöðu. Einnig er þeim útvegaður fatnaður eftir þörfum.
Þjónustan er gestum neyðarskýlisins að kostnaðarlausu.
Sími: 511 5150
Vefsíða: https://www.rotin.is/konukot/
Staðsetning: Höfuðborgarsvæðið
