FC Sækó er sjálfstætt knattspyrnufélag sem leggur áherslu á svokallaðan „geðveikan fótbolta“ þar sem kraftur fótboltans er nýttur til þess að efla andlega og líkamlega heilsu og draga úr fordómum.
Verkefnið hófst upphaflega í nóvember 2011 sem samstarfsverkefni Hlutverkaseturs, Velferðarsviðs Reykjavíkur og geðsviðs Landspítalans. Árið 2014 var knattspyrnufélagið FC Sækó svo formlega stofnað.
Félagið er í dag skipað notendum geð- og velferðarkerfisins, starfsmönnum þess og öllum öðrum sem vilja sýna stuðning í verki. Tilgangurinn er að efla virkni, bæta andlega og líkamlega heilsu og síðast en ekki síst: að hafa gaman! Það eru allir velkomnir að æfa og spila með FC Sækó óháð kyni, bakgrunni eða getu.
Sími: 766 0940 (Bergþór)
Netfang: fotbolti.saeko@gmail.com
Vefsíða: https://fcsaeko.is/
