Kvennasmiðjan er fyrir einstæðar mæður á aldrinum 22 til 45 ára sem hafa þegið fjárhagslegan stuðning frá Reykjavíkurborg. Þær eiga það sameiginlegt að hafa gengið illa að fóta sig á vinnumarkaði og/eða í námi vegna heilsufars- og/eða félagslegra aðstæðna. Um er að ræða 18 mánaða endurhæfingu þar sem markmiðið er að bæta lífsgæði þátttakenda. Endurhæfingin er þríþætt: sjálfsefling, uppbygging og starfs- og/eða námsundirbúningur.
Námið er mjög fjölbreytt og koma margir að verkefninu þar á meðal Námsflokkar Reykjavíkur og Hússtjórnarskólinn. Auk þess eru starfsmenn Velferðarsviðs Reykjavíkurborgar með stuðning og eftirfylgd við þátttakendur í Kvennasmiðju. Kennsla fer fram alla virka daga og skuldbinda þátttakendur sig til að mæta 100%.
Endurhæfingartímabilinu er skipt upp í þrjár mislangar annir, alls 18 mánuði. Kenndar eru verklegar og bóklegar námsgreinar og miðast kennslan við getu hvers og eins, eins og unnt er. Stýrihópur fundar mánaðarlega og fer yfir framvindu endurhæfingar. Í stýrihóp sitja ráðgjafar frá hverri þjónustumiðstöð Reykjavíkurborgar og fulltrúi frá TR. Sótt er um í Kvennasmiðju hjá félagsráðgjafa/ráðgjafa á þjónustumiðstöðvum Reykjavíkur.
Vefsíða: http://www.namsflokkar.is/namsleidir/kvennasmidhja
Staðsetning: Höfuðborgarsvæðið
