Allir geta nýtt sér þjónustu Sálgæslu- og fjölskylduþjónustu kirkjunnar í Háteigskirkju. Þjónustan er til húsa á neðri hæð safnaðarheimilis Háteigskirkju, gengið er inn austan megin. Boðið er upp á eftirfarandi viðtöl:
Miðað er við að hvert viðtal sé klukkutími. Einnig er í boði hópastarf, bæði fyrir skjólstæðinga en líka hóphandleiðslur fyrir starfsfólk kirkjunnar sem á líka kost á einkasamtölum.
Sálgæslu- og fjölskylduþjónusta kirkjunnar er hluti af sálgæslustarfi kirkjunnar og þjónar öllu landinu. Öllum er heimilt að leita beint til Sálgæslu- og fjölskylduþjónustunnar og sumir koma samkvæmt ábendingu prests eða annarra aðila. Hjá Sálgæslu- og fjölskylduþjónustunni starfa prestar og fjölskyldufræðingar með mikla reynslu. Þjónustan er einnig í samstarfi við Félagsmálaráðuneytið um stuðning við fjölskyldur fanga.
Þú getur í fyrstu snúið þér til þíns sóknarprests og leitað aðstoðar. Prestar kirkjunnar um land allt hafa sérstaka viðtalstíma fyrir sóknarbörn sín. Hægt er að bóka viðtalstíma beint í gegnum símsvara og tölvupóst. Einnig er hægt að tala við starfsfólk sókna og biðja þau um að hafa milligöngu.
Símanúmer: 528 4300
Netfang: kirkjan@kirkjan.is
Vefsíða: https://kirkjan.is/salgaeslu-og-fjolskylduthjonusta
