Viðbrögð stjórnar landsamtakanna Geðhjálpar við stjórnsýsluúttekt Ríkisendurskoðunar á geðheilbrigðisþjónustu á Íslandi

Stjórn landssamtakanna Geðhjálpar fagnar því að Ríkisendurskoðun hafi unnið stjórnsýsluúttekt á geðheilbrigðisþjónustunni á Íslandi. Niðurstöður úttektarinnar koma samtökunum ekki á óvart en eru vitnisburður um þá stöðu sem geðheilbrigðismál á Íslandi eru í og hafa verið um árabil.

Samtökin sendu inn umsögn um lokadrög úttektarinnar í vetur. Hér í viðhengi er samantekt þeirra athugasemda nú þegar niðurstöður úttektarinnar liggja fyrir. Helstu atriði sem þar koma fram eru:

• Skortur á tölfræði – taka upp mælaborð geðheilsu
• Grá svæði á milli stjórnsýslustiga – Hús geðgeirans
• Mismunun og fordómar landlægir
• Eftirlitshlutverk vanrækt og mannréttindi ekki virt – Geðráð taki til starfa
• Fjárframlög til geðheilbrigðismála aðeins 4,6% af framlögum til heilbrigðismála – umfangið er hins vegar 25-30%
• Áhersla á afleiðingar fremur en orsakir
• Geðhjálp kallar eftir nýrri nálgun og nýrri hugmyndafræði