Geðhjálp átti góðan fund með forsætisráðherra og heilbrigðisráðherra sl. föstudag. Á dagskrá fundarins voru geðheilbrigðismál með sérstaka áherslu á hugmyndafræði og áhyggjur Geðhjálpar af nauðung og þvingunum gagnvart notendum geðheilbrigðiskerfisins.
Geðhjálp fór yfir 9 aðgerðir til að setja geðheilsu í forgang hvar m.a. er lagt til að stofnað verði geðráð, Ísland verði gert þvingunarlaust land í tilraunarskyni til þriggja ára og að hafist verði handa um byggingu nýrra geðdeilda auk þess sem hygmyndafræði meðferðar verði endurskoðuð.Einnig var rætt um fyrirhugaða rannsókn á aðbúnaði og meðferð fullorðins fatlaðs fólks með þroskahömlun og fullorðinna með geðrænan vanda.
Á meðfylgjandi mynd eru þau Héðinn Unnsteinsson, Katrín Jakobsdóttir, Svandís Svavarsdóttir, Sveinn Rúnar Hauksson og Elín Ebba Ásmundsdóttir.
