Birgir er 55 ára en hefur verið í vandræðum með sálina frá táningsaldri. Hann hefur unnið þó nokkuð að geðheilbrigðismálum í gegnum tíðina, t.d. með því að starfa með hópum og félagasamtökum, rita greinar og koma fram í fjölmiðlum og með því að taka þátt í ráðstefnuhaldi og halda ýmsa fyrirlestra um geðheilbrigðismál.
Birgir hefur ekki starfað mikið með öðrum síðustu 10-15 ár, þar sem hann er einstæður faðir sem hefur tekið hans tíma, en hefur áhuga á að koma aftur á sjónarsviðið til að leggja sitt af mörkum. Hann hefur reynslu af geðheilbrigðismálum á ýmsum vettvangi; sem einstaklingur og notandi, sem ráðgjafi og í jafningastuðningi og sem faðir.
