Guðný Guðmundsdóttir starfar sem verkefnastjóri stafrænna miðla hjá Geðhjálp. Guðný starfaði áður í vefteymi á markaðssviði Marel, auk þess sem hún var ritstjóri samfélagsmiðladeildar hjá PIPAR/TBWA auglýsingastofu. Hún er með BA-gráðu í ensku og MA-gráðu í hagnýtri ritstjórn frá Háskóla Íslands, sem og MA-gráðu í útgáfu frá Anglia Ruskin University í Cambridge, Englandi.
Guðný hefur lengi vel haft áhuga á geðheilsu, en hún skrifar um upplifun sína af áfallavinnu á gudnyg.is, bloggsíðu sem fjallar um sjálfsrækt, heilsu og andleg málefni. Guðný tilheyrir vikulegum hugleiðsluhóp og stundar þessa dagana þriggja ára nám í sjamanisma.
